第一個選擇 【揀一間好嘅寵物善終，究竟有幾重要？】 重要到⋯如果揀得唔好，有可能係一輩子嘅遺憾。 小編自己親身經歷就係咁，曾經因為害怕面對、逃避寵物離世呢個議題⋯最後係人哋幫忙安排我毛孩嘅善終⋯。但當下嘅畫面，我真係會記一輩子。 儀式當日一去到，我嘅寶貝囡已經喺張床仔到，但現場嘅環境氣氛⋯有種講唔出嘅冷清感⋯當下其實不太好受會有種自責感⋯覺得係唔係自己安排得唔好最後令佢有一種，「被遺棄喺呢到」嘅感覺。 我認為係揀 —— 跟得足唔足、有無用心同誠意。 究竟佢哋員工係咪真心愛錫寵物？定係只係當做例行公事，你BB嘅儀式，同其他每一隻寵物一式一樣？ 究竟有無用心對待自己BB嘅遺體，等佢有尊嚴地走最後一程⋯ 定係粗粗魯魯對待，甚至連清潔美容都無？ 跟得足唔足呢？善終呢行最忌撈亂骨頭，會唔會比主人清楚知道晒所有流程？ 所以如果可以重新揀一次，我一定會揀一個溫馨溫暖嘅環境。起碼我覺得佢最後走都走得開心啲。呢個亦都係 Pet Knots (NGO) Moments 其中一個理念 – 希望營造到家嘅感覺，等主人同BB可以喺一個舒適嘅環境道別。你哋又有無試過呢啲唔太好嘅經驗？分享一下，提醒一下大家真係要慎選寵物善終呀~~
寵諾時刻的“結” Pet Knots Moments – 寵諾時刻 當中的 “KNOTS”，指的正正是每隻寵物和主人之間所產生的情感連結。我們致力為每一個你們找出這個「結」，然後創造出更多獨家專屬的美好回憶。