【 既然每一隻寵物嘅個性都唔一樣，咁點解寵物嘅告別式要一式一樣？】

Dudud 係一隻好特別、好樂天嘅狗狗，性格開朗嘅程度… 係連主人都影響埋！所以喺同 Dudud 道別嘅呢一日，家長 David 同 Daphne 就選擇一反傳統地為佢舉辦咗一場華麗嘅「Life Celebration」！（意即歌頌完美一生嘅禮讚派對）

Life Celebration 當日，為咗配合返 Dudud 喜歡高調嘅個性，會場佈滿氣球、鮮花，仲有Dudud最鍾意嘅紗裙添！ ?  現場人山人海，有好多賓客同毛朋友到訪，氣氛好不熱鬧！大家聽完家長們嘅致辭，拎住飲品食件cake，互相訴說著Dudud身前嘅趣事、同埋分享著寵物經，不亦樂乎…

而呢一場盛宴，就正正係寵諾當初開業時，提出過嘅想法： 「寵物善終係唔係一定要好sad咁舉行呢？ 會唔會可以試下從另一個角度 — 毛孩完滿畢業喇、完成使命喇，甚至慶祝?嘅角度去進行呢？」估唔到真係實現咗！所以唔單止主人，對我哋嚟講，都係好特別同別具意義嘅體驗！

其實 David 同 Daphne 同寵諾嘅緣份真係好深，由佢哋決定拍寵物微電影，到每次嘅開會、拍攝、後製等等，甚至到依家嘅善終服務，佢哋都分享咗好多好感人嘅故事 — 講緊係每次都會令人毛管戙同鼻子一酸流下眼淚果種！絕對係好強嘅storyteller ? 希望之後有機會再同大家分享更多Slupdud Family嘅精彩故事啦！