fbpx
寵諾感恩日記 (一)
/
/
寵諾感恩日記 (一)

寵諾感恩日記(一)

#風球下的人情味

感謝客人 @eliseday!

以愛犬 沙律 之名,捐贈咗 HKD100 俾浪浪。Pet Knots 會將捐款用於救助流浪動物,

喺呢個橫風橫雨嘅日子…仍然能感受到人間有愛。

Btw 大家都要小心注意安全呀!無乜事就早啲返屋企陪主子們喇~

#wespreadlove #關愛浪浪

#petknotsmoments #非牟利機構

感謝客人 Winnie !

以愛犬 Cherry 之名,捐贈咗3封大利是俾浪浪!Pet Knots Moments – 寵諾時刻 會將捐款用於救援流浪動物上。

願 Cherry 安息。我哋會將呢份愛散播同延續落去!

#wespreadlove #wesellstories

#關愛浪浪 #浪浪救援 #petknotsmoments 

感謝 Monster 嘅家長 Veronica!

放假都特登入嚟元朗送蛋糕比我哋~You’re so sweet!! 甜到入心~

其實你哋嘅滿意,已經係我哋最大嘅回報!只要你哋能夠感受到我哋嘅用心,幾忙都係值得的~我哋會繼續努力~

P.S. Monster RIP!我哋會永遠記住靚仔又貪靚嘅你~

#petknots感恩日記 #petknots

#滿滿的人情味 #提供有溫度的服務

#非牟利 #寵物善終

感謝客人 Winnie!

喺嚟接 Cherry 返屋企嘅時候,特地送上美味嘅蛋糕俾我地~

其實每次有家長接毛孩返屋企,我地都會有啲不捨… 畢竟由接收寵物、到進行告別式、再到接愛寵返屋企… 都相處咗一段時間。

無論係我哋同家長之間、定係同寵客人之間,都默默地建立咗一啲連結…

有緣陪伴你哋送毛孩嘅最後一程,我地嘅關係同緣份,遠遠不止於店家同客人,更多係朋友~

由衷祝願每位家長一切安好,可以早日釋懷,並將失去愛寵嘅悲痛轉化為力量,繼續將呢份愛以唔同形式延續落去!

p.s. 如果各位主人未 ready 再養下一隻寵物,偶爾幫助下浪浪,都係一個好選擇。

感謝 YY 嘅家長… 今日完成安息禮後,

特地送咗個好實用嘅小禮品俾我哋嘅善終顧問 ,仲要有小卡片同用禮物袋裝住…

一枝簡單嘅handcream,對我哋嚟講,背後嘅意義卻很重大,因為代表住家長能夠接收到我哋嘅用心同誠意~

放置喺今朝特地趕去拎嘅鮮花上面…更加顯出人情味嘅可貴~

YY,完滿畢業喇,要喺彩虹橋玩得開心D!

#寵諾感恩日記

感謝嵐嵐家長!

今日嚟中心接嵐嵐返屋企時,送上嘅小禮品~會咁開心唔係因為為食 (雖然其實都係)而係因為感受到背後果份心意~你哋真係好sweet ~

嵐嵐以後要乖乖陪媽咪喇~願所有毛孩終將化作天使!永遠陪伴著家人們 ~

#petknotsmoments #petknots #寵諾時刻 #寵諾 #專業寵物錄影 #寵物善終服務

今日嘅寵諾團隊好 surprise!

因為喺馬仔嘅家長,嚟中心接馬仔返屋企時⋯除咗好有心地送上月餅禮盒之外,仲因為記得我哋嘅善終顧問有位年紀好細嘅小朋友⋯ 所以特地送上 B.Duck 嘅燈籠!仲有波板糖!對我哋嚟講真係好驚喜!

再一次強調唔係因為為食⋯(雖然其實都係)而係因為真係好有心!

非常感謝你哋⋯讓我哋知道⋯我哋正在做正確嘅事,往正確嘅道路前進。希望寵諾可以幫助到更多寵物同家庭,更好地過渡呢段最艱難⋯但又永世難忘嘅「道別之旅」。

#tailormadesurprise #人間有愛 #寵諾感恩日記

【 請 勿 餵 飼 啟 示 】

寵諾員工們俾大家餵到肥肥白白喇 ~但大家真係唔好再破費喇~我哋感受到你哋嘅心意㗎喇~

其實「說別離」一定係痛苦的,我哋唔能夠「代你痛」,但可以嘗試將你同愛寵最後相處嘅畫面同回憶改寫,從而做到紓緩(少少)難過愁緒嘅功效。#幫到幾多得幾多 #盡做

但當然都好多謝米米家長今日特地帶嚟嘅西餅 ~因爲係印證住我哋同客人之間嘅 「Knots」— 連結 #所有嘅感情都藏住一個無形嘅結 #bonding #寵諾感恩日記

感謝家長郭先生,今日以哥哥嘅名義捐贈咗啲物資俾浪浪!寵諾代浪浪感謝你,祝願哥哥安息。

P.S. 其實寵諾一直都有 #往生毛孩物資轉贈浪浪計劃, 如果情況許可,大家都可以考慮將毛孩最後嘅剩餘物資⋯ 幫助更多浪浪 轉換成更多祝福。

#浪浪需要你嘅關愛

#小舉動但大意義

#寵諾感恩日記

Share this post

Start typing and press Enter to search

Shopping Cart